یمن میں خودکش بم دھماکے، 22افراد ہلاک

عرب میڈیا کے مطابق یمن کے شہر عدن میں تین چیک پوسٹوں پر ہونے والے خودکش بم دھماکوں میں کم سے کم 22 افراد ہلاک ہوئے ہیں۔ان دھماکوں کی ذمہ داری شدت پسند تنظیم دولتِ اسلامیہ نے قبول کی ہے۔یمن میں خانہ جنگی کے بعد سے دولتِ اسلامیہ نے ملک میں قدم جمائے اور کئی خطرناک حملے کیے ہیں۔

شدت پسند تنظیم دولتِ اسلامیہ یمن کی حکومت اور حوثی باغیوں کے خلاف ہے جنھوں نے دارالحکومت صنعا کے بیشتر علاقے پر قبضہ کر لیا ہے۔یہ دھماکے ایسے وقت پر ہوئے ہیں جب یمن میں سعودی عرب کے کمان میں جاری فضائی آپریشن کو ایک سال مکمل ہو گیا ہے۔دھماکوں میں فوجی سمیت عام شہری بھی ہلاک ہوئے ہیں اور100سے زائد زخمی ہوئے ہیں ۔

حکام کا کہنا ہے کہ دو بم دھماکے ان سرحدی چیک پوسٹوں کے قریب ہوئے جو اتحادی افواج کے استعمال میں تھیں۔ دھماکے کے بعد مسلح حملہ آورں نے فائرنگ بھی کی۔تیسرا دھماکہ اس وقت ہوا جب بارودی مواد سے بھری ایمبولینس فوجی چیک پوسٹ سے ٹکڑانے کے بعد پھٹ گئی۔